Арбор ФАП фельдшеры Игнатьева Н.С. укучылар белән профилактик әңгәмә үткәрде. Бигрәк тә күзләрне тәрбияләү,-саклау турында җентекләп сөйләде, күзләр өчен нинди күнегүләр файдалы булуын күрсәтте. Шулай ук прививкаларның кирәклегенә, грипп чорында саклану, туклану, дәвалану чараларына басым ясады. Укучыларга үзенең һөнәре, кайда укуы, эшен яратуы турында да сөйләде.

Быелгы уку елында Юнармия отрядына 8 нче сыйныф егетләре - Аскаров Әхәт һәм Мостафин Сәйдәш кабул ителде.

Бүген мәктәпкүләм Көзге ярминкә үткәрелде.

Укытучы һәм остаз елы уңаеннан мәктәбебезнең Алдынгылар хәрәкәте членнары мәктәпкүләм Рәхмәт тактасы булдырды. Бу тактага укытучыларга багышланган мактау, рәхмәт сүзләре урнаштырылды. Әлеге эш 2023 нче елның ахырына кадәр дәвам итәчәк.

Укытучылар көне уңаеннан мәктәптә укучылар тарафыннан "Укытучы дигән бөек исем" дип аталган бәйрәм оештырылды. Бәйрәмнең кунаклары - ветеран укытучыларыбыз. Алар өчен чәй табыны да оештырылды.

Барлык укучылар да "Яраткан укытучыма открытка" акциясендә актив катнаштылар.

Өлкәннәр декадасы кысаларында мәктәбебездә ел саен үткәрелә торган матур бер гадәт бар: укучылар үзләренең әби-бабайларын котлап, аларның өйләрендә булалар, тәмле күчтәнәчләр бүләк итәләр. Бу гадәтне без үзебезчә матурлап "Әбиемә пирог" дип йөртәбез.

Авыл китапханәсендә Өлкәннәр көне уңаеннан әбиләр өчен бәйрәм кичәсе үткәрелде. Кичәдә 3-4 сыйныф укучылары һәм аларның әбиләре катнашты. Авылыбыз сандугачы Әкълимә апа Хәбибуллина үзенең матур җырлары белән кичәне тагын да матурлады.