Укучыларны кышкы каникулга җибәрер алдыннан әти-әниләр җыелышы үткәрелде. Мәктәп директоры Хасанов Х.М. һәм тәрбия эшләре буенча директор урынбасары Гарипова Г.К. әти-әниләргә инструктажлар үткәрделәр, туклану, кичке вакыт, укучыларга куркыныч тудыручылар турында җентекләп аңлаттылар. 

Мәктәбебезгә Кыш бабай килде һәм балаларга Яңа ел бүләге өләште.

9 нчы сыйныф укучылары сайлап алу фәннәреннән сынау имтиханнары биреп карадылар.

Мәктәпне Яңа елга әзерләдек.

Татар теле һәм әдәбияты укытучысы Мифтахова Р.Б. "Ел укытучысы - 2019" конкурсы кысаларында Норма урта мәктәбенең 8 нче сыйныфында дәрес бирде. Дәрес бик матур, әзерлекле үтте.

Рафис Насыйбуллин исеменә үткәрелгән көрәш бәйгесе җиңүчеләре: 4 сыйныф укучысы Мостафин Сәйдәш һәм 6 нчы сыйныфтан Кәбиров Фәнзил.Афәрин, егетләр! 

Коррупциягә каршы көрәш көне уңаеннан тарих укытучысы Гайфуллин Г.Г. балаларга аның турында яхшылап аңлатты. Коррупциянең куркыныч чир булуы, таралу юллары һәм мөмкинлекләре хакында тулы мәгълүмат бирде.

Авыл китапханәчесе Рафилә апа 8-9 сыйныфлар белән "Герой булу җиңелме?" дигән темага сөйләшү-әңгәмә үткәрде.