"Ир-егет-ил күрке!"  бәйрәм чарасында чыгыш ясадык . Бәйрәмдә  зур кунакларыбыз, бүгенге көндә безнең тынычлыкны саклаучы, батыр егетебез Фоат Габдрахманов  , әфганчы авылдашыбыз Азат абый Гимадиевла катнашты. Шулай ук төрле елларда, төрле җирләрдә хезмәт иткән солдат егетләребез , чит авылдан килүчеләр , районның ветеран Әфганчылар советы председателе Дилүс Магсумович  чыгыш ясадылар.  Илләребез тыныч булсын иде!

Балаларыбыз өчен бик тә кадерле булган әбиләребезне якынлашып килүче бәйрәм белән котладык.

Бүген без ветеран укытучыбыз Мулланур Хәлил улын зур бәйрәме – Юбилее белән тәбрик иттек.

Мәктәп- бакчабызда  Ватанны саклаучылар көненә багышланган хәрби-патриотик “Аҗаган ” уенын үткәрү матур традицияга әверелде. Уенның бүген дә элеккегедәй популяр, көтеп алынган булуы һәм актив узуы үзе бер зур куаныч.  24 нче февраль көнне   мәктәбебез укучылары “Аҗаган-2024” уенында   сугышчан җырлар җырлап, хәрби стройда йөрү осталыкларын күрсәткәннән соң, маршрут буенча "мина"лар һәм байрак эзләделәр, спорт уеннарында көч сынаштылар. 

Кадерле әтиләр, абыйлар, энеләр, бабайлар һәм егетләр!

Сезне чын күңелебездән 23 февраль — Ватанны саклаучылар көне белән котлыйбыз.Сезгә ныклы сәламәтлек, бәхет, муллык , һәр эшегездә уңышлар телибез.

15 нче февраль - Совет гаскәрләренең Әфганстан җирлегеннән чыгарылган көне. Шул уңайдан 22 нче февраль көнне мәктәп - бакчабызда  Әфганстан җирендә үзенең интернациональ бурычын үтәгән авылдашыбыз   Гыймадиев Азат Тарих улы  белән очрашу үткәрелде. Балалар әзерләгән концерт программасыннан соң, ул үзенең Әфган җирләрендә үткәргән көннәре, сугыш вакыйгалары турында сөйләде. Егетләребезне киләчәк 23 февраль – Ватанны саклаучылар көне белән котлады. Укучыларны кызыксындырган сорауларга җавап бирде.

Без төрле елларда, кулына корал тотып, туган илебезне саклаган һәм бүгенге көндә дә, ата-бабалар традициясе буенча, илебез сагында торган хәрби хезмәт итүчеләрне хөрмәтлибез. Безнең авыл егетләре үзләренең гражданлык бурычын намус белән үтәп киләләр һәм без моның белән чын-чынлап горурланабыз. Мәктәптә оборона һәм спорт айлыгы уңаенннан солдатлар белән очрашу кичәсе үткәрдек.  Шулай ук бәйрәмебездә авыл җирлеге депутаты Гаязов Шәүкәт Гәрәфетдин улы  да катнашты.

Бүген мәктәп бакчабызда Ватанны саклаучылар көненә багышланган бик матур чара узды. Бәйрәмгә балаларның әтиләре, бабайлары килде. 

21нче февраль — халыкара туган телләр көне буларак билгеләп үтелә. Әлеге дата уңаеннан «Хикмәтле дә, бизәкле дә туган тел» дип исемләнгән «Әйе, юк» уены узды.

Балалар бакчасында "Уз кулым белэн жимлеклэр ясау" исемле район конкурсынын сайлап алу этабы булды. Балаларнын беренче урын алган жимлеклэре муниципаль этапта катнашачаклар.