Илебезнең Сочи шәһәрендә барыбыз да  көтеп алган  “Кышкы олимпиада - 2014” башланды. Әлеге зур спорт чарасыннан без дә читтә кала алмыйбыз. Балалар бакчасында спорт чараларын уздыру тагын да җанланып китте. Спорт темасына әңгәмәләр үткәрү, “Сочи – кышкы олимпиада -2014” – фото- альбомнар ясау, спорт ярышлары, күңел ачу кичәләре үздыру шуңа мисал булып тора. Шушы чорда балалар өчен кызыклы, файдалы очрашулар да узды. “Факел” спорт мәктәбенең бокс буенча тренеры Фасихов Ф.З. белән очрашу балаларда  истә калырлык җылы тойгылар уятты. Тренер Фасихов Ф.З очрашуга үзе генә килмәгән иде. Безнең балалар бакчасына йөреп чыккан, бүгенге көндә спорт клубында бокс серләрен өйрәнүче нәни боксерларны да алып килгән иде.  Очрашу азагында күп кенә бала үзен киләчәктә зур спорт мәйданында боксер итеп күрәсе килгәндер, мөгаен.