Тукай абый әкиятләре бигерәк тә кызык та, безгә куныкка килгәннәр кәҗә белән сарык та. Әкият геройлары булып уйнарга яратабыз. Үсеп җиткәч, зур артистлар булырга омтылабыз!

Без нәниләр булсак та, бик яратып тыңлыйбыз Тукай абый әкиятләрен. (1нче кечкенәләр төркеме)

Бүген күмәкләшеп өмәгә чыктык. Бакчабыз ямьләнсен, үзенә тартып торсын дибез!

Бүген "Балтач мәдәният үзәгендә" "Ак калфак" татар хатын-кызлар республика иҗтимагый оешмасы вәкилләре белән очрашу кысаларында оештырылган күргәзмәдә безнең балалар бакчасы да актив катнашты.

Уртанчылар төркеме балалары әти-әниләре белән бергә Г.Тукай әкиятләренә карата бик матур кул эшләре эшләделәр. 

Әти-әниләр белән берлектә Г.Тукайның иҗатына багышланган кул эшләренә күргәзмә (икенче кечкенәләр төркеме).

Һәр елны апрель аенда бакчабызда Г.Тукай айлыгы үткәрелә. Быел да бу айлыкны мәктәпкә әзерлек төркеме балалары район үзәк китапханәсенә экскурсия белән башлап җибәрделәр. Анда балаларга сюрприз итеп әкияттән өзек һәм әкиятләр буенча викторина әзерләнгән иде. Тәрбиячеләр Аглиуллина А.Р. һәм Шәрәфиева Г.Н. балаларның җавапларыннан бик кәнәгать калдылар. Балалар ел буе алган белемнәрен яхшы күрсәттеләр.

Габдулла Тукай – балалар поэзиясенең чишмә башы, атасы, нәниләрнең сөекле остазы. Бүген дә актуальлеген югалтмаган әсәрләре  балаларны тәрбияләүдә үрнәк, өлге булып тора. Бакчабызның балалары Г.Тукайның әкиятләрен зур кызыксыну белән укыйлар.

Тукай абый әкиятләрен әбиләр дә укыган, Безнең әти-әниләр дә хич тә укып туймаган. Нәни генә булсак та, әкиятләр бик укыйбыз, Аның әкиятләрен тыңлап, күп рәсемнәр ясыйбыз.

Бакчабызда апрель ае -  бөек шагыйребез Габдулла Тукай айлыгы дип иглан ителде. Шул уңайдан төркемнәрдә Г.Тукай әкиятләренә әти-әниләр кулы белән композицияләр ясала. Шул турыда балалар белән көндәлек әңгәмәләр үтә.