Әти -әниләр белән очрашулар дәвам итә. Без бүген иң шәфкатьле, кирәкле һөнәрләрнең берсе, шәфкать туташы һөнәре белән таныштык. Айгөл балаларны медицина инструментлары белән таныштырып,кан басымын, температураны ничек үлчәүләрен  күрсәтте. Сәламәтлекне сакларга, чыныгырга,  файдалы ризыклар ашарга кирәклеген аңлатты. Балалар кеше организмында күп  төрле микроблар булуын, чисталыкны саклау, гигиенаны дөрес үтәп аларга каршы торып булуын аңладылар. Айгөлгә рәхмәтебезне белдерәбез.

Бүген  уртанчылар төркемендә  кунакта Галиевлар гаиләсе булды. Алар безгә калайдан бизәкләр ясау серләрен өйрәттеләр. Балалар үзләре дә кәгазьдән бизәк ясап карады. Безгә онытылмаслык кичерешләр, мизгелләр бүләк иткән өчен Ленар белән Алиягә олы рәхмәтебезне җиткерәбез.

Бүген уртанчылар төркемендә  чираттагы кунагыбыз Шамсутдинова Кәдрия. Ул балаларга  тәрбияви әкият сөйләде, уеннар уйнатты, матур әдәпле сүзлэр өйрәтте. Балаларда  әнилэргэ карата хөрмәт, ярату, кайгыртучанлык хислэре  уятты. Кадерле кешеләребез  әнилэребезне тыңларга, аларны шатландырып торырга  кирәклеген аңлатты. Кәдрия әниебез оста куллы да икән әле, ул балаларга әниләренә бүләк ясарга өйрәтте. Хөрмәтле әниебезгә бүгенге көнебезне  файдалы итеп уздырганы өчен зур рәхмәтебезне  белдерәбез. Балаларны сөендергэн  өчен Аллахнын рәхмэте булсын Сезгә, Кәдрия.

Саф һавада күзәтүләр, тәжрибәләр дәвам итә. Уртанчылар төркеме  табигатьттәге хәрбер үзгәрешне зур кызыксыну белән күзәтеп баралар.Бүген алар агачтагы бәскэ игътибар иттеләр, күзәтүдән , агачка кояш тошеп торган якта кар бәслэре коелган, агачның икенчесе яртысында, төн якта бәс калганын ачыкладылар, шулай итеп  көньяк хэм төньякны аерырга өйрәнделәр.

Менә нинди кыш килде
Ап-ак  булды җир өсте,
Чаналарга чаңгыларга
Җиткереп булмый эш.
Бөтен дөнья чаж да чож
Тауда-тау шуучылар.
Таубашыннан шуганда 
Мәтәлептә китәләр,
Ничек итсә итәләр,
Барыбер төшеп җитәләр

Январь ае уртанчылар һәм зурлар төркемендә "Әти-әниләребезнең яраткан һөнәрләре" проекты бара . Бүген  балалар янына төркемебезнең  иң актив гаиләләренең  берсеннән Гарипова Роза кунакка килде .Ул балаларга торт пешерү, кекс бизәү серләренә өйрәтте. Балалар  бик кызыксынып оста белән бергэ кекс бизәделәр. Балаларыбызга онтылмаслык кичерешләр, осталык бүләк иткән олы йөрәкле әниебезгә зур рәхмәтебезне җиткерәбез. 

Зурлар төркемендә ГАИ хезмәткәрләре белән берлектә, юлларда куркынычсызлыкны кисәтү буенча  профилактик чара уздырылды. Кунакка Зебра дустыбызда килгән иде.Ул балаларны  юл аркылы чыгу кагыйдәләренә өйрәтте. Балалар урамда узеңне дөрес тоту кагыйдәләрен белүләрен исбатлап күрсәттеләр һәм ГАИ хезмәткәрләреннән бүләк  алдылар.

Яна ел алдыннан төрле кызык,тылсымлы хәлләр күп була. Безнен балалар бакчасынада әкияттән  гаиләсе белэн аюлар килгән.

Бакчабызнын иң нәни йолдызлары Кыш бабайга шигырьләр, җырлар бүләк иттеләр.

Бүген  икенче кечкенәләр төркемендә сихри бәйрәм – Яңа ел гөрләде. Сабыйларыбыз әлеге чарага зур әзерлекне инде күптән башлаган иде. Аларның әлеге тырышлыкларына Кар кызы да, Аю да, Куян да, Бүре дә, Кыш бабай да, Кар бабай да, Актүш тә олуг бәя бирделәр. Мондый бәйрәм сабыйларыбыз күңеленә генә түгел, әти-әниләр өчен дә бик күңелле чара булды. Бары шушындый бәйрәмнәрдән соң гына Яңа елның да чыннан да килеп җитүе сизелә.

Хөрмәтле, яраткан барлык тәрбияче апаларыбыз, Яңа елның сихри энҗе бөртекләре һәркайсыгызның йортына бәхет-шатлык, саулык-сәламәтлек алып килсен. Эшегездә уңышлар елмаеп, тәрбия биргән балаларыгыз игелекле кызлар һәм малайлар булып үсеп җитеп, горурлыгыгыз булсалар иде.