1 октябрь - Өлкәннәр көне уңаеннан 3 октябрь көнне яраткан  әби-бабаларыбызны, дәү әни-дәү әтиләребезне, барлык өлкәннәрне мәктәп ашханәсендә кунак иттек. Традиция  буенча 5 сыйныф укучылары өлкәннәрне котлап концерт программасы белән чыгыш ясадылар

Бүген “Мәктәп сулышы” газетасының 1 нче саны дөнья  күрде. Укытучылар көне  уңаеннан басылган бу газетада мәктәп яңалыклары, укучыларыбыз иҗат иткән шигырьләр, кызыклы мәгълүматлар, укытучылардан алынган интервью, котлаулар урын алды.

                                         Газетаның иҗади коллективы:Закирова Камилә,Мухарлямова                                        Мәрьям, Хасанова Әлфия, Хасанова Рәсимә

2  октябрь көнне “Укытучылар көне” уңаеннан “Минем яраткан укытучым” исемле рәсем күргәзмәсе  оештырылды.

1 октябрь – “Өлкәннәр көне”.Өлкәннәрне бәйрәм белән котлау өчен укучыларыбыз, волонтерлар үз куллары белән открытка ясадылар. Алар һәрбер өлкән кеше янына барып  открыткалар, ашханәгә чәйгә чакыру өләштеләр. Өлкәннәрне укучыларның ягымлы котлаулары бик шатландырды.

30 сентябрь көнне мәктәбебездә куркынычсызлык айлыгы кысаларында  7-11 нче сыйныфлар өчен Балтач районы прокуроры өлкән юстиция киңәшчесе Абитов Зөфәр Мәүлитович белән очрашу булды.

30 сентябрь көнне иртәнге линейкада мәктәпнең шәфкать туташы  Мухарлямова Г.Х.  грип профилактикасы  буенча үзенең киңәшләрен бирде.

28 сентябрь  көнне мәктәбебездә волонтерлар “Чын йөрәктән” исемле акция үткәрделәр. Кенәр  коррекцион интернат-мәктәптә тәрбияләнүче балаларга  уку әсбапларын бик күп җыйнадык. Барлык әти-әниләргә, укучыларга, укытучыларга зур рәхмәтебезне белдерәбез!

27 сентябрь -  «Тәрбиячеләр көне”. Волонтерлар Карадуган ясле бакчасының барлык  тәрбиячеләрен һөнәри бәйрәмнәре белән котладылар. Хөрмәтле  тәрбиячеләр, һөнәри  бурычыгызга тугъры калуыгыз һәм балаларга күрсәткән игътибарыгыз өчен рәхмәт!

25 сентябрь көнне “2012-2013 нче уку елына  укыту-тәрбия эшчәнлегенә анализы” дигән темага   ата-аналар конференциясе  үткәрелде. Шулай ук конференциядә килгән кунаклар: Балтач районы прокуроры өлкән юстиция киңәшчесе Абитов З.М., ЮХИДИ җитәкчесе Шафигуллин Ф.Т., Балтач районы эчке эшләр бүлегенең балигъ булмаган балалар белән эшләүче инспекторы  Файзрахманов Н.Н., Балтач районы үзәк шифаханәсе балалар табибы  Шаязданова Е.А. чыгыш ясадылар. 

25 сентябрь  көнне “Внимание, дети!” акциясе кысаларында ЮХИДИ җитәкчесе  Шафигуллин Ф. Т.,профилактика  эшчәнлеген  алып баручы хезмәткәр  Хадиева Л.М. белән берлектә 1-5 сыйныфлар өчен  «Адымнар нык , юллар имин булсын» исемле уен оештырылды