Кадерле хатын-кызлар! 
Сезне язның иң күңелле һәм иң тормышчан бәйрәме – Халыкара хатын-кызлар көне 8 Март белән чын күңелдән котлыйбыз! 
Һәрбер хатын-кыз иң ягымлы мактау сүзләренә, олы мәхәббәткә, ихтирамга һәм кайгыртуга лаек. Без, ир-атлар, бүген сезгә йөрәктә саклап йөрткән иң назлы сүзләребезне аеруча дулкынланып әйтәбез. 
Бәхетле һәм сөекле булыгыз! Балалар һәм оныклар куанычын күреп яшәргә насыйп булсын. Тыныч тормыш, сәламәтлек, игелек һәм муллык телибез сезгә, кадерле хатын-кызлар!

Бөтенрәсәй   “Алтын алка ”   шайбалы хоккей ярышында  егетләребез  3 урынны яулап кайттылар. Молодцы!

24 нче февраль көнне мәктәбебездә “Туган  тел” кичәсе бик матур үтте. Бәйрәм туган телгә багышланган шигырь юллары һәм презентация белән башланып китте. Укучылар үзләре дә татар теле турында чыгышлар ясадылар. Чит илләрдә яшәүче милләтттәшләребез дә  татар телен ничек итеп саклаулары , татар телен бик яратып өйрәнүләре, татар телен белгән кеше күп кенә төрки телләрне дә җайлы өйрәнә алулары турында видеотапшыруда сөйләделәр.  

16 нче февраль көнне Муса Җәлилнең 110 еллык юбилей уңаеннан һәр класста музейда, мәктәптә класс сәгатьләре үткәрелде.

13 нче февраль көнне “Лыжня Карадуган” чаңгы ярышы бәйрәме узды. Чаңгы ярышында әти-әниләр дә катнашты.

 16 февраль көнне укучылар белән Карадуган авыл җирлеге башлыгы, депутат Низамиев Шамил Вакил улы катнашында "Парламент дәресе" үткәрелде. Шамил Вакил улы депутатлар эшчәнлеге турында сөйләде , яңа законнар белән таныштырды.

15 нче февраль – герой-шагыйрь М.Җәлилгә 110 яшь тулган көн. Мәктәбебездә иртәдән үк бу күтәренке  рух  сизелде: татар теле укытучылары башка укытучыларны һәм укучыларны шагыйрьгә багышланган  стенд һәм аның шигырьләренә язылган җырлар белән каршы алдылар. Көн дәвамында укучыларыбызга М.Җәлил музеена экскурсияләр оештырылачак. 

«Национальный голос - дети» проектының 1 этабында җиңүче 5 нче сыйныф укучылары Зиннатуллина Э., Габдрахманова И. дуэтын котлыйбыз.

11 нче февраль көнне мәктәбебездә “Ел класс җитәкчесе -2016” конкурсының бер этабы  үтте. Шубан, Кенә, Кече Лызи,Түнтәр, Чепья мәктәпләреннән килгән класс җитәкчеләре көч сынашты. Аларга киләчәктә дә уңышлар телибез.

                                                 Поздравляем!!!        
Лауреата муниципального этапа республиканского профессионального конкурса «Учитель года 2016»,учителя химии Нуриеву Гульшагиду Шамиловну   с  успешным выступлением на конкурсе и желаем ей дальнейшей плодотворной работы, творческих достижений и побед!