Мәктәптә инде күптәннән зур әзерлек бара иде.Галимҗан Гыйльманның ике пьесасын сәхнәләштереп әниләргә күрсәтү иде максатыбыз. Кичә кичен кадерле әниләребезне бәйрәм белән котладык, әзерләгән бүләкләребезне тапшырдык, спектакль күрсәттек.

  20 февраль көнне укучылар һәм барлык эшчеләр коллективы чаңгыларга бастык. Саф һавада кышкы табигатькә хозурланып, бер кочак сәламәтлек алып кайттык. 

  22 февраль көнне балалар бакчасында кадерле әтиләребезне бәйрәм белән котлау кичәсе үткәрелде. Нәниләр һәм зурлар группасында да спектакльләр бик матур булды. 

    Норма мәктәбендә ,4 класс укучылары арасында олимпиадада җиңү яулап, Хафизов Искәндәр районга китте. Аңа уңышлар телибез! Җиңү яулап кайт, Искәндәр!

     Бүген бездә, Килидә, Чапшар, Борбаш, Борбаш Сәрдегәне, Алан ясле - бакча тәрбиячеләре  арасында "Яшел ут" исеме астында ярыш узачак. Бездән I категорияле тәрбияче Ахатова Кадрия катнашачак.

  Кышның суык һәм бураннарыннан да көчле бит без! Атна буе һәр көнне 13 сәгатьтән җиң сызганып өр-яңадан эшкә тотындык.Нәтиҗәдә әйләнә-тирәбездә берсеннән-берсе матур яңа ел кунаклары калкып чыкты.

 3 нче һәм 4 нче сыйныфлар инглиз теленнән "Британский бульдог" дип исемләнгән конкурста катнаштылар. 

Мәктәбебездә 28 ноябрь көнне "Укучыларның сөйләм телен үстерүдә укытучының роле" исеме астында семинар үтте. Укытучыларыбыз кунакларга уку дәресләреннән ачык дәрес һәм класстан тыш чара күрсәттеләр.

3 ноябрь көнне кичке сәгать 7 дә "Бәхетле балачак" дип исемләнгән концерт программасын куйдык.Концертка әти-әниләр,әби-бабайлар,апа-абыйлар килгән иде.Балаларыбызның чын артистларча башкарылган номерларына сокланмый утырган бер генә тамашачы да юк иде.