Кечкенәләр төркеме балалары бабайлары турында мәгълүмат туплауны дәвам итәләр. Бабаларының Бөек Ватан сугышында күрсәткән батырлыклары өчен алган орден - медальләре төркемебезгә ямь биреп торалар.

Беренче нәниләр төркемендә әти – әниләргә  “Урманда сәяхәттә” дип исемләнгән ачык шөгыль карарга тәкъдим ителде. Әлеге шөгыльдә балалар урманга сәяхәткә бардылар, урман хайваннары белән таныштылар.

Зурлар төркеменә йөрүче балалар Бөтенрәсәй интеллектуаль конкурсында катнашып, матур нәтиҗәләр күрсәттеләр.  Җиңүче балалар сертификат һәм “Классики” дигән эмблема белән бүләкләнделәр.

Район мәдәният үзәге сәхнәседә чакырылыш егетләре һәм аларның әти-әниләре өчен уздырылган концертта нәниләребезнең чыгышлары   бәйрәмне  тагын да ямьләндереп җибәрде. 

Беренче нәниләр төркеме физкультура инструкторы белән актив рәвештә шөгылләнәләр.Буген балалар, тупны дөрес юнәлештә тәгәрәтергә өйрәнделәр.

2 нче нәниләр төркеме балалары тирә-юнь белән танышу максатыннан табигать почмагында тал агачының бөреләрен күзәтәләр.

Кечкенәләр, уртанчылар һәм зурлар төркеме балалары өчен Космонавтикалар көне уңаеннан күңел ачу чарасы уздырылды. Күңел ачу слайдлар ярдәмендә балаларның космос турындагы белемнәрен камилләштерүдән башланса, икенче яртысы күңелле уеннар белән үрелеп китте.

Бүген  "Ветераннар безгә Җиңү бүләк итте" дигән темага кечкенәләр, уртанчылар һәм зурлар төркеме балалары өчен бакча күләм белем бирү чарасы булды.  Сайдлар ярдәмендә әзерләнгән чара балаларда патриотик хисләр, туган якка, туган телгә, Ватанга мәхәббәт тәрбияли. Туган ил һәм дөньядагы вакыйгалар белән кызыксынучанлыкларын үстерә. Ветераннарыбызның Бөек Ватан сугышында күрсәткән батырлыклары турында белемнәрен киңәйтә.