Бу елны  Шаяннар Тапкырлар Клубы командасы Балтач районы якларына килеп җитте. Искитмәле гүзәл табигать кочагында “Романтик” лагеры җирлегендә 110 бала һәм 15 әйдаман күңел ачалар, ял итәләр һәм җәй көннәрен файдалы итеп үткәрәләр. Алан дәверендә балалар өчен дәресләр һәм остаханәләр эшләде, алар арасында: татар теле, чәч үрү, кул эшләре, психология һ.б. өлкәләр буенча мастер-класслар. Моннан тыш еш кына балаларга бик ошап киткән, алар белән яратылган спорт һәм интеллектуаль уеннарның бер төре – ул да булса популяр Квестлар үткәрелә. Гомүмән әйткәндә, балалар ШТК аланында яңа прогрмма, яңа кешеләр, яңа дуслар, уеннар, белемнәр белән танышалар.