Кече яшьтән үк балаларга уеннар, әңгәмәләр аша утның кирәк һәм шул вакытта куркыныч көч булуы, саксыз кулланганда коточкыч фаҗигаләргә китерүе хакында сөйләү, аңлату мәҗбүри.

Бакчабызда "Габдулла Тукай - безнең күңелләрдә" дип исемләнгән бәйрәм иртәсе булды. Җырлар, шигырьләр, төрле әкият геройларын сәхнәләштереп уйнау бәйрәмне бик күңелле итте.

Бу көннәрдә бакчабызда Тукай айлыгы бара.Балалар белән бөек шагыйребезнең тормышын һәм иҗатын өйрәнәбез.Бүген исә аның әсәрләренә карата әти-әниләрнең балалар белән бергәләп ясаган рәсемнәреннән күргәзмә ясадык.

Зурлар төркеме балалары белән Габдулла Тукайның тормышы һәм иҗаты белән таныша башладык. Тукай шигырьләре һәм әкиятләре аркылы туган якка, аның табигатенә мәхәббәт уята, туган җиргә игътибарлы, сакчыл караш тәрбияли, гадел булырга чакыра.

Әле җирдә яшәсәк тә,

Күккә тарта йөрәкләр.

Гагариннар кебек кыю

Булу безнең теләкләр.

Зурлар, мәктәпкә әзерлек төркемендә 12апрель - Космонавтика көне уңаеннан әңгәмә үткәрелде. Балаларның  галәм  турында кызыксындырган сорауларына бергәләп җаваплар эзләдек, галәм серләренә төшендек.