Мини-футболда өченче!
Район мәктәпләре арасында үткәрелгән мини-футбол ярышында Субаш  мәктәбенең “Титан” командасы өченче урынга лаек булды. Афәрин, егетләр! Яңадан да ярышларда сынатмассыз дип ышанып калабыз. Бик зур рәхмәт әзерләгән тренерларыХуснетдинов Азат Альбертовичка.

Сихри авылыбыз! Әйе авылыбыз халкы яңа елны һәр ел саен зарыгып көтеп ала, капка төпләрен искитмәле итеп бизәп, сыннар белән баета.

Кышкы матурлык, искиткеч гүзәллек сарыф итә туган ягыбызда. Мәктәбебезнең уңган спорт сөюче укучылары һәм мөгаллимнәре каникул чоры булуга карамастан  Хәсән күленә сәяхәткә чыгып киттеләр!Җитәкчеләре Хөснетдинов А.А, Чириков А.Г.

Кышкы каникулның беренче көне булуга да карамастан мәктәбебезнең 9нчы  сыйныф укучылары имтиханнарга әзерләнүләрен дәвам итәләр. Алар өчен рус теле, математика һәм сайланма фәннәрдән консультацияләр уздырыла.

Мәктәбебез укучылары һәм укытучылары, әти-әниләре тарафыннан оештырылган "Яңа ел тамашасы" дип исемләнгән  концерт кичәбез 23 нче декабрь кичендә булып узды! Барлык катнашкан , әзерлеккә  үзләреннән күп көч куйган хәммә кешегә зур рәхмәт белдерәбез!

25 нче декабрь көнне мәктәбебез укучылары, әти -әниләре һәм дә укытучылар өчен КҮМӘК ШУУ уздырыла! Башлана сәг 17:00 дә.Рәхим итегез. Үзегез белән конькиларыгызны алып килергә онытмагыз!

 Мәктәбебез әйтерсеңлә үзенә чакырып тора. Чөнки һәр көн безне барчабызны да  капка төбеннән  Кыш бабай белән Кар кызы һәм Яңа елыбызның  хуҗасы эт каршы ала, озатып кала. Шулай ук башка әкият геройлары әтәч, дельфин , пингвин, куян  дисеңме  күз явын алырлык булып балкып торалар.

"Яңа ел" - дип исемләнгән рәсем конкурсы мәктәбебездә оештырылды. Барлык сыйныфлардан да ясалган рәсемнәр күргәзмәгә куелып тавыш бирелде, жюри әгъзалары урыннар билгеләделәр.

Кыш бабай , бабакай,

Безне бик ярата...

Ул безгә яңа ел,

Бүләге тарата...

Күптән көтеп алган, яраткан Яңа елыбыз да килеп җитте.Мәктәбебез укучылары өчен кызыклы, мавыктыргыч, һәм шул ук вакытта күңелле бәйрәм оештырылды...Килгән әти -әниләр  балалары белән бергә уйнап, күңел ачып, чын күңелдән ял итеп кайттылар. 

Экология елы уңаеннан оештырылган кичәләрдә, акцияләрдә актив катнашкан өчен мәктәбебезгә сертификат бирелде.