“Кояш гомере телим әнием сиңа” проекты кысаларында әниләр, әбиләр турында бик күп шигырьләр, җырлар, биюләр өйрәнелде, әңгәмәләр үткәрелде,”Минем әнием иң матуры” дип исемләнгән рәсем конкурсы булып узды.Әниләргә, кызларга, апаларга бүләкләр ясалды. “Әниемнең алтын куллары” дип аталган әниләребезнең җылы, йомшак кулларыннан эшләнелгән кул эшләре күргәзмәсе оештырылды. Проект ахырында “Әнием минем кадерлем!” дигән бәйрәм чарасы оештырылды.Әниләребезнең оста куллары пешергән тәмле ризыклардан күргәзмә оештырылды. Тәмле ризыклардан чәй табыны әзерләнеп, барыбыз да сыйландык.