Мәктәбебездә 19 октябрь көнне 8-11нче сыйныфлар өчен  «Көзге бал» кичәсе булды. Аның максаты- укучыларда табигатькә , кешеләр хезмәтенә хөрмәт  һәм мәхәббәт тәрбияләү, укучыларның ялын файдалы һәм күңелле итеп оештыру иде.

      Уеннар командаларның визиткаларыннан башланды. Укучылар, алдан бирелгән өй эше буенча, үзләре әзерләп алып килгән икебаналарны тәкъдим иттеләр, аларны якладылар, бар булган иҗади сәләтләрен күрсәтеп, уеннарда актив катнаштылар, сорауларга җавап бирделәр, шигырьләр яздылар, мәкальләр әйттеләр. Бәйрәмдә көз кызы Сөмбелә дә, үзенең мул уңышны чагылдырган , күпереп пешкән икмәге белән,  матур теләкләре белән катнашты.

     Командалар биремнәргә  әзерләнгән арада, җанатарлар белән уеннар үткәрелде.

Бәйрәмне  тәрбия эшләре буенча директор урынбасары Гарифуллин Р.Г,  педагог- оештыручы Павлова Г.Г әзерләде һәм алып бардылар. Ә укыту эшләре буенча директор урынбасары  Габитова С.И, укытучылар Фаязов Ә.Ф, Фәезова Э.М. уеннарны игътибар белән күзәтеп, командаларга урыннар билгеләделәр. Катнашу, уен нәтиҗәләре  буенча 1 урын- 8 нче сыйныфларга булды. 2 урында 10нчы сыйныф, 3 урынны 9нчы һәм 11нче сыйныфлар бүлеште.

     Кичәнең икенче өлеше  күңелле дискотека белән дәвам итте. Бәйрәм җанлы , тәрбияви яктан файдалы үтте.