"Мәдәният елы"  уңаеннан  Баулыдагы сәнгат  мәктәбе   "Без яшибез,  иҗат итәбез,  хыялланабыз"  дигән   рәсем  конкурсы  үткәрде.  

Безнең  мәктәптән  4 укучы катнашты:  Зариева Л.И. (11 класс), Сәйфиева Ә.М. (10 класс), Гыйззәтуллина Р.И.  (8 класс), Мөхәммәдиев Д.М. (7 класс).

14 март көнне район үзәгендә Мәдәният елы кысаларында зур тантана үткәрелде, рәсем конкурсына да нәтиҗә  ясалды. Барлык катнашкан укучылар дипломнар белән бүләкләнделәр.Ә 10 сыйныф укучысы Сәйфиева Әлфия  2 дәрәҗәле  лауреат исеменә лаек булды. Җитәкчеләре Гыйззәтуллина Чәчкә  "Рәхмәт хаты" белән бүләкләнде.

16 нчы март көнне  авылыбызга бик мәртәбәле кунаклар-  Казан мәчетләренең һәм  күрше авылларның   мөфти-хәзрәтләре килде. Алар балаларны, авыл халкын үзләренең эшләре белән таныштырдылар, Мөхәммәт пәйгамбәрнең  тормыш юлы һәм эшчәнлеге  буенча балалар  арасында  викторина үткәрделәр. Мәчеткә   йөрүче балалар бу сорауларга бик актив  җавап бирделәр.Казан кунаклары балаларның  барысына да  татлы призлар таратты, иң тапкырларга кыйммәтле бүләкләр тапшырды.

4 сыйныф укучысы  Тухватуллин Алмаз (класс җитәкчесе  Мохатдисова З.М.)  фронтовик язучылар иҗатына  багышланган район шигырь конкурсында  2 урын  яулады. Ул М.Җәлилнең  "Күршеләр" шигырен сөйләде.

19,20,21 нче мартта һәр сыйныфта да кл. җитәкчеләре "№71-ФЗ" буенча сыйныф сәгатләре уздырды, каникул чорына  ЯК, юл кагыйдәләре, ташу  вакытында үзеңне ничек тотарга кирәклеге   буенча инструктаж  үткәрделәр.