Бүген мәктәпкә әзерлек төркеме балалары белән тәрбиячебез Зареева В.А. бакчабызда экологик тәрбия темасына ачык шөгыль үткәрде. Шөгыль барышында балалар зур кызыксыну белән төрле тәҗрибәләр ясадылар һәм нәтиҗәсеннән күтәренке кәеф алдылар.

31 октябрь көнне «Тамчыкай» балалар бакчасының зурлар һәм мәктәпкә әзерлек төркемендә "Сөмбелә" бәйрәме узды. Бәйрәмгә кунак итеп әти-әниләр дә, “Ак калфак”  татар хатын-кызлары иҗтимагый оешмасы да чакырылган иде. Бәйрәм көзгә багышланган табышмаклар чишү, шигырьләр, җырлар һәм матур биюләр белән үрелеп барды. 

На гроздья рябины

Дождинка упала,

Листочек кленовый,

Кружит над землей.

Ах, осень, опять ты

Врасплох нас застала

И снова надела

Наряд золотой!

Бүген балалар бакчасында Олылар көненә багышланган бәйрәм узды.

Бөтендөнья татар конгрессы Башкарма комитеты  “Ак калфак” татар хатын-кызлары иҗтимагый оешмасы милләтебезнең кием атрибутикалары булган, калфак һәм изү эшләргә өйрәтү буенча мастер–класс уздырды. Әлеге мастер–класста Татарстан Республикасы районнарында һәм Русия  төбәкләре җирлекләрендә эшләп килүче “Ак калфак” оешмалары әгъзалары катнашты. Мастер–класста катнашучылар татар милли киеменнән килде, һәр оешмадан бары тик бер генә вәкил катнашты. Бөгелмә шәһәрнең вәкиләсе булып безнең балалар бакчасының кече тәрбиячесе Шайхуллина Зумара Закировна катнашты. Чара 8–10 сентябрь көннәрендә узды. 8 сентябрь көнне калфак, ә 9 сентябрь көнне изү тегү һәм чигү буенча мастер–класс булды. Мастер–класстан тыш, мәдәни чаралар да каралган иде: “Казанның 1000 еллыгы” музее, Г.Тукай әсәрләре буенча “Сөйкемле шүрәле” бәйгесендә катнашкан балалар кул эшләре күргәзмәсе, “Казан” милли–мәдәни үзәгендә оештырылган рәссамнар һәм һөнәрчеләрнең эшләре белән танышу.