Бүгенге көндә җәмгыять белән табигатьнең үзара бәйләнеше проблемалары кискен тора. Чөнки кеше җирдә җимергеч эш-гамәлләр кыла. Аларны ничек булдырмый калырга? Гомумән, кешелек табигать белән ярашып яши аламы? Укучыларны кешелекне борчыган экологик мәсьәләләрнең барлыкка килү сәбәпләре белән таныштыру, аларның җәмгыять белән табигатьнең үзара бәйләнеше проблемалары буенча белемнәрен гомумиләштерү һәм тирәнәйтү, бөтен дөньяда коралсызлану, тынычлык, әйләнә-тирәлекне саклау өчен көрәш зарурлыгы булдыру максатыннан, без 20 декабрь көнне “Экологик культура һәм әйләнә-тирә мохитне саклау елы” на карата  «Кешелекне борчыган экологик мәсьәләләр» дигән темага чисталык дәресе үткәрдек. Дәрестә “Экологик видеофильм” күрсәтелде. Дәрестә без нәтиҗә ясап  Бөтендөнья Җир анабызны  күз карасыдай сакларга һәм әйләнә-тирәлек проблемаларын хәл итү планетада яшәүче һәр кешегә бәйле икәнен төшендек.