Мәктәбебездә бик күңелле ,кызыклы һәм кирәкле очрашу булды. Районыбызның данлыклы , күренекле шәхесләре безгә кунакка килделәр. Алар : Татарстанның атказанган сәнгать эшлеклеләре Ильдар абый Нуруллин, Фәрит абый Садриев һәм "Байрак" газетасының баш мөхәррире Гакыйль Арәфетдин улы Камалетдинов . Ильдар абый белән Фәрит абыйлар безгә халкыбызның төп музыка коралы булган гармуннар тарихы, музыка сәнгатенең кеше тормышындагы әһәмияте , хәтта сәламәтлек өчен файдалы икәнен сөйләделәр; гармуннарда уйнап күрсәттеләр ; безне дә җырлаттылар. Ә Гакыйль абый бездәге бу матур бәйрәм күренешләрен фотога һәм видеога тешерде . Бу очрашу безгә бик ошады ; без бик күп мәгълумат алдык , чын гармунчыларны һәм гармуннарны күрдек . Аларга бик зур рәхмәт ! - Тагын килегез!