Опубликованы результаты пробного ГИА по математики. Из нашей школы 5 учеников пробовали свои силы по математике и показали сравнительно хорошие результаты. Желаем выпускникам 9 класса дальнейших успехов .

Исегезгә төшерәбез, Илсур Метшин Казанны яшелләндерү һәм төзекләндерү “Яшел рекорд” дип исемләнгән яңа проектны 10-нчы октябрь көнне “Бердәм Россия” партиясенең җирле бүлеге политсоветының киңәйтелгән утырышында тәкъдим итте. Татарстан Президенты Рөстәм Миңнеханов инициативаны хуплады, бюджеттан тыш чыганаклар хисабына сезон саен 50 меңнән кимрәк булмаган санда агач утырту кирәклеген белдерде.

Шушы проект кысаларында безнең мәктәптә дә агач утырту оештырылды. Технология укытучысы М.А.Низамов җитәкчелегендә укучылар барлыгы 150 төп  агач утырттылар.

20 нче ноябрь- Татарстанның халык шагыйре, балалар язучысы,бик күп кызыклы шигырьләр авторы- Шәүкәт Галиевнең туган көне. Ул тормышның кызыклы якларын табып балалар белән бүлешә, аларны рәхәтләнеп көлдерә, яхшыны начардан, затлыны затсыздан аерып күрсәтә. Шуңа да шагыйр сурәтләгән хәлләр үтемле булып йөрәккә керә, онытылмый, гел укучыны үзенә тарта.

   Кичәне татар теле һәм әдәбият укытучысы Латыпова Фирая Равил кызы ачып җибәрде. Ул шагыйрьнең тормыш юлы һәм иҗаты белән таныштырды. Ш.Галиевкә багышланган презентация күрсәтте. Аннан укучылар "Сабантуй" күренешен күрсәттеләр. Соңыннан укучылар  Шәүкәт Галиев шигырьләрен яттан сөйләделәр.

4 нче ноябрь- Халыклар бердәмлеге көне уңаеннан безнең мәктәптә кичә үткәрелде. Моннан 400 ел элек үз дәүләтчелегебезне саклап калу өчен барган гаять авыр көрәштә Россия халкы зур җиңүгә иреште. Ил азатлыгы өчен барган сугышларда руслар белән янәшә татарлар һәм башкортлар, марилар һәм мордвалар, чувашлар һәм удмуртлар да иңгә-иң куеп көрәшәләр.

В школе организованно прошел Осенний бал. В программе Бала от каждого класса  были концертные номера, фонограммы, игры, показ осенней моды. А также были чаепития и конечно же танцы.

23 октябрь көнне мәктәбебездә Парламент дәресе үтте. Очрашуга Бик-Үти авыл җирлеге башлыгы Сиразов Нияз Фатыйх улы да чакырылган иде. Ул авыл җирлекләре башкарган  функцияләр турында сөйләде.

15 октябрь- Хәтер көненә багышланган кичә үтте. Укучылар Хәтер көненә багышланган шигырьләр сөйләделәр, презентация күрсәтелде. "Иске Казан гимны" яңгырады. Казанны яклап башларын салган бабаларыбызны искә алып бер минут тынлык игълан ителде.

“Утлы дуга” бәрелешләрендә Ватан язмышы хәл ителде. Безнең армиянең бердәм көче нацистларның планын тар-мар итте. Ватандашларыбыз әлеге бәрелештә олы каһарманлык күрсәттеләр. Алар хөрмәтенә Мәскәүдә беренче җиңү салюты бирелде.Әлеге дәһшәтле сугышта безнең авылдан да 2 кеше катнашкан - Мифтиев Вазых Насыртдин улы һәм Низамов Заһит Низам улы.

Мифтиев Вазых Насыртдин улы сугышта очучы була. Аның истребителен дошман самолеты бәреп төшерә. Ул Орел өлкәсе Покровск районы Ивановка авылында җирләнә.

Низамов Заһит Низам улы да Курск янындагы сыгышта ятып һәлак була.