Муса Җәлил- олылар һәм балалар өчен бик күп әсәрләр иҗат иткән онытылмаслык бөек шагыйрь. Бүген без балалар белән Муса Җәлилнең туган коне уңаеннан,аның иҗаты буйлап сәяхәт иттек,тормыш юлын  ойрәндек. 

Кечкенәләр төркемендә “Маэмай”, “Куян”,”Әтәч” “Күке” шигырьләрен укып әйләнә-тирә дөнья белән таныштык. Уртанчылар төркемендә  җитдирәк әсәрләрен укыдык, чөнки балалар инде бу яшьтә яхшылык белән начарлыны аерырга өйрәнә, батырлык һәм куркаклык сыйфатларын аера . “Сәгать “, “Карак песи”, “Чишмә”, “Кызыл ромашкалар”, һ.б. шигырьләре эшне вакытында ,төгәл башкарырга,үз өстеңә алган вазыйфаларны төгәл үтәргә өнди. Балалар белән Җәлил шигырьләренә язылган җырлар җырладык. Укылган шигырьләр буенча рәсемнәр ясау, сәхнәләштерү – балаларның яраткан шөгыле булып тора. . Шагыйрь әсәрләрендәге геройлар кебек илгә, халыкка тугърылыклы, намуслы, дус, бердәм булып үсәргә өйрәтү – төп бурычларыбызның берсе.