Музейлар безнең тормышта зур роль уйный. Музей эшчәнлегенең максаты бер, ул да булса, халкыбызның бай тарихын, мәдәниятен, гореф-гадәтләрен, йолаларын өйрәнү аша усеп килуче яшь буынны рухи яктан бай, иҗади сәләтле, югары мәдәниятле камил шәхес итеп тәрбияләү. Музей – тәрбия учагы. Халыкның, яшь буынның рухи байлыгын саклауда  музейларның әһәмияте бик зур. Безнең балалар бакчасында да кечкенә генә милли музей почмагыбыз бар.Анда халкыбызның борынгы көнкүреш әйберләреннән: читек, чабаталар, түбәтәй, калфаклар, самавыр, кулдан сугылган, чигелгән сөлге-кашагалар, милли бизәкләребездән торган альбомнар, стендлар һәм башка бик күп әйберләр тупланган. Балалар бу музейны бик яраталар.Алар монда туган илебезнең тарихи үткәне, гореф-гадәтләре белән танышалар. Бу почмак балаларга татар халкының милли киемнәре, матур йолалары, борынгы бәйрәмнәре белән якыннан танышырга  ярдәм итә.