Яз һәм Тукай...
Гел янәшә атлый 
Шау чәчәккә төреп җиһанны.
Язлар белән җирдә яшәү туа,
Тукай белән шигъри моңнары.
Күпме буын “Туган тел”ен тыңлый, 
Моңайганда-көйләп юана... 
Әкиятен, шигырьләрен укып
Бик күп сабый бала куана.
Тукай!  Бу исем бик  җылы булып безнең күңелләргә мәңгелеккә урнашкан. Гомер буе ул безнең йөрәк түребездә идеал булып саклана, сүнмәс йолдыз булып балкып тора.Безнең күңелләрдә туган илгә, туган халыкка, туган телгә мәхәббәт хисе әнә шулай Тукай исеме белән бергә туа.
Бүген үзәк китапханәдә “Тукай –безнең күңел түрләрендә!” исемле шигырь бәйгесе үтте. Бәйге балаларны татар шигърияте дөньясына, балалар игътибарын күренекле татар шагыйре Габдулла Тукайның тормышына һәм иҗатына җәлеп итүгә юнәлдерелгән. ”Теремкәй”балалар бакчасы бу бәйгедә бик шатланып катнашты. Балалар  Габдулла Тукайның  “Туган тел”,”Гали белән кәҗә” һәм башка шигырьләрен төрле телләрдә сөйләделәр. Конкурста катнашучы балалар шигырь уку осталыкларын, үзләрен образда тота белүләрен күрсәттеләр.Шигырь бәйгесе бик югары дәрәҗәдә үтте.