Бүген, 2020 елның 5 августында, Буа шәһәренең "Теремкәй" балалар бакчасында кунакта "Гаилә һәм мәктәп" җурналының иҗат төркеме булып китте. Журнал хезмәткәрләре 35 еллык тарихы булган мәктәпкәчә белем бирү учреждениесенең тарихы, бүгенгесе, бакчаның коллективы һәм анда тәрбияләнүче балалар белән таныштылар. Димәк, журналның киләсе саннарынның берсендә яраткан балалар бакчабыз хакында мәгълүмат урнаштырылачак дигән сүз. Түземсезлек белән көтеп калабыз!!! Сүз уңаеннан, «Гаилә һәм мәктәп» республикабызның 2013 елдан бирле нәшер ителеп килә торган журналы. 

«Гаилә һәм мәктәп»нең төп максаты – ата-аналарга, әби-бабайларга, гомумән, үсеп килүче яшь буынны физик һәм рухи яктан сәламәт итеп күрергә теләүчеләргә төпле киңәш бирү, аларның тәҗрибә уртаклашуын оештырып җибәрү, журнал битләрендә белгечләр белән очраштыру.

Журнал битләрендә урын алган язмалар әти-әниләр өчен балаларын сау-сәламәт, рухи яктан камил итеп үстерергә ярдәм итә. Укытучы-тәрбиячеләр, башка ата-аналар тәҗрибәсе, белгеч фикере, киңәшләр, мисаллар – киләчәк буынны тәрбияләгәндә кулланырлык мәгълүмат тәкъдим ителә. #ГаиләҺәмМәктәп #ТатарстанРеспубликасы #Буашәһәре #Мәгариф #БуаТеремок @gaile_mektep @leisan_nizamova #буаобразование