1989 елның ноябре – Берләшкән Милләтләр Оешмасының Бала хокуклары турындагы Конвенциясен кабул иткән көн.

Россиядә Конвенция 1990 елның 15 сентябрендә гамәлгә керде.

Конвенция, 18 яшькә кадәрге һәрбер кешенең шәхси хокуклары күрсәтелгән, 54 маддәдән тора.

 9 нчы сыйныф укучылары-мәктәп активлары бүген   бала үз хокукларын яклый алсын өчен  конвенциянең төп маддәләре белән танышты, уен формасында төрле ситуацияләрне чиште.

  Хөрмәтле  укытучылар  һәм  укучылар! Бүген  безнең  илебез  зур  бәйрәм-укытучылар  бәйрәмен  билгеләп  үтә. Укытучылар  бәйрәме – ул  халыкара бәйрәм , чөнки  барлык  кешеләр  укучылар  булганнар  һәм   аларның      һәркайсының   укытучылары  бар.

      Кадерле  балалар!Без  бүген  мәктәбебезгә  армый – талмый  хезмәт  куючы, күңелләребезгә  яхшылык орлыклары  сибүче,  акны  - карадан, яхшыны – яманнан  аерырга  өйрәтүче  укытучыларыбызны  хөрмәтләргә  җыелдык.

     Укытучы  хезмәте  күп   сабырлык  сорый  торган  һөнәр  булып  тора. Теләсә  кем  укытучы  була  алмый . Мәктәптә  эшләү  өчен  балаларны  үз баласыдай  якын  күрергә, аның  тормышы  белән  яши  белергә, кайгы – шатлыкларын  уртаклаша  белергә, төпле  белемле  булырга  кирәк.Димәк , безнең  каршыда  утыручы  укытучыларыбыз да  шул  сыйфатларны  үзләренә  туплаган.

                                         Укытучы!

                 Синдәдер  ул  йөрәкләрнең  иң  олысы

                 Синдәдер  ул   йөрәкләрнең   иң  җылысы    

                  Һәркөн  сиңа  ничә  сабый  карап  тора

                  Алар  сине  әниседәй  якын  күрә.

Укытучылар көне уңаенна,  укучыларыбы, озак еллар мәктәптә укыткан ветеран укытучыларыбызны өйләренә бәйрәм белән котларга бардылар.

Өлкәннәр декадасы дәвам итә. 8 нче сыйныф укучылары бәйрәм уңаеннан Нурания әбиләрен котларга бардылар.Бу игътибарга ул бик шатланды һәм балаларга да үзенең теләкләрен җиткерде. 

Өлкәннәр!.. Олы кешеләр!... Күпме мәгьнә табып була бу сүзләрдән, элек – электэн үк олы кешеләр тормышның, яшәешнең нигезен тәшкил иткәннәр: намуслы балалар үстерү, аларның бәхете өчен көрәшү, киләчәгебез якты һәм тыныч булсын өчен, табыннарыбыз мул, көннәребез уң булсын өчен башкарган барлык эшләр дә алар кулы аша үткән.

1 нче октябрь-өлкәннәр көне уңаеннан 5 нче сыйныф укучылары Султеева Шәмсенаһар әбине бәйрәм белән котладылар.