Әле 1 сентябрь иртәсендә генә мәктәп бусагасын тәүге мәр тәбә атлап кергән нәни дусларыбыз бүген беренче җиңүләрен бәйрәм итәләр.Алар инде ӘЛИФБА китабын тәмамлап Туган телгә күчәләр.

Әйе, балалар, сегә хәрефләрне тану, алардан иҗекләр, сүзләр төзү, укырга өйрәнү бик җиңел булмады. Әмма сез тырыш тыгыз, югалып калмадыгыз. Сезне чын күңелебездән шушы җиңүегез һәм уңышларыгыз белән котлыйбыз!

Март – язның беренче ае. Ул җиргә яшәрү, матурлану, яңару алып килә. Гүзәллек арасында һәрвакыт мәхәббәт яши. Ана һәм бала. Бер – берсе өчен яралган бу җаннар иркә язның беренче таңын хәтерләтә. Кадерле әниләребез, бүген сезнең бәйрәм. Сезне барыгызны да чын күңелдән котлыйбыз. Тормыш юлларыгыз сикәлтәсез, тигез, гомер күгегез кояшлы, якты һәм җылы булсын дигән теләкләр теләп 8 нче сыйныф укучылары әниләренә бәйрәм концерты һәм чәй өстәле әзерләделәр.

Хокук бозуларны профилактикалалау отряды әгъзалары - 10 нчы сыйныф укучылары, "Тәмәке белән бергә тартучы да яна" дигән темага ачык тәрбия сәгате күрсәттеләр.Укучылар тәмәкенең сәламәтлек өчен зарарлы икәнен аңлату максатыннан төрле мәгълүматлар туплап презентация әзерләгәннәр, анкеталар үткәрделәр.

Бүгенге чаңгы ярышына барлык укучылар да бик теләп катнашты. 1-4 нче сыйныфлар 500м,,5-6 нчы сыйныфлар 1500м, 7-8 нче сыйныфлар 2000м, 9-10 нчы сыйныфлар 3000м ераклыкта узыштылар.

9 нчы сыйныф укучыларының имтиханнарга әзерлек нәтиҗәләре белән таныштыру максатыннан ата-аналар җыелышы үтте.Җыелышта төп дәүләт имтиханнарына әзерлек консультацияләре алып баручы укытучылар чыгыш ясады,укучыларның һәр ай саен эшләнелгән эш нәтиҗәләре белән таныштырылды.

2017-2018 нче уку елында беренче сыйныфка ике укучы киләчәк. Әлегә алар әзерлек дәресләренә йөриләр.Булачак укучылар белән башлангыч сыйныф укытучысы Вәлиева Г.А. эшли.