23 февраль… Бу  көнне инде 98 ел бәйрәм итәбез. 98 ел кешелек доньясынын көчле яртысы көч, түземлелек, чыдамлылык, патриотлылык, шәфкатьлелек бәйрәмен билгеләп үтә. Немец басып алучыларын Нарва һэм Псков астындагы җинү хөрмәтенә 1918 елнын 23 февралендә Кызыл Армия көнен бәйрәм итү турында декрет игълан ителә. Соңрак ул Совет Армиясе һәм Хәрби диңгез флоты көне итеп үзгәртелә, ә соңгы елларда ул Ватанны саклаучылар көне буларак билгеләп үтелә. Борын-борыннан Россиядә хәрби һөнэр кешеләре иң хөрмәтле, иң абруйлы һөнәрләрдән санала.  Ватанны саклау ул – тыныч халыкның гомерен, Туган илнең намусын, горурлыгын, ныклыгын, бердәмлеген саклау.

Ватанны саклаучылар көне уңаеннан 5-6 нчы сыйныф укучылары бәйрәм концерты оештырды.Концерт ике өлештән торды. Беренче өлешендә котлаулар, теләкләр яңгырады, икенче өлешендә укытучы абыйлар арасында ярыш үткәрелде. Бәйрәм күңелле үтте.

 21 февраль – Халыкара Туган тел көне буларак билгеләп үтелә. Телләрне саклау һәм үстерү максатыннан уздырыла торган бу бәйрәм елдан – ел үзенең даирәсен киңәйтә бара.Бүген безнең  мәктәптә "Шигырь сөйлим туган телемдә" дигән бәйрәм үтте.

Башлангыч сыйныф укучылары районның Туган як музеейына экскурсиягә бардылар.

Тимераякта шуу һәвәскәр һәм һөнәри дәрәҗәдә иң ихтыяҗлы кышкы спорт төрләренең берсе булып тора. Бозда  шуу, тимераякта йөрү спортын укучыларыбыз бик яраталар.Менә бүген дә 6-7 нче сыйныф укучылары районның “Арктика” боз сараенда булып кайттылар.

Бүген  герой-шагыйребез Муса Җәлилнең тууына 110 ел. Шул уңайдан татар теле һәм әдәбияты укытучысы Фәхретдинова Л.К. 7 нче сыйныф укучылары белән берлектә М.Җәлилнең тормыш юлы һәм иҗатына багышланган презентация күрсәтте. Укучылар шагыйрьнең  шигырьләрен сөйләделәр.

Музейга сәяхәтебез бүген Әфганчылар темасына багышланган.Музей җитәкчесе Залялова Р.М. укучыларны Әфган сугышында катнашкан авылдашларыбыз исемлеге белән таныштырды. Янтуган һәм Вольный Стан авылыннан катнашкан авылдашларыбыз арасында бүгенге көндә исәннәре дә үлгәннәре дә бар.

Еллар үтү белән күп вакыйгалар хәтердән җуела. Әмма без тарихтагы бу  кайгылы көннәрне онытырга тиеш түгелбез. Гомерләренең иң матур вакытында һәлак булган егетләребезнең намус һәм хәрби бурыч төшенчәләрен үзләренең тормышыннан да өстенрәк куйганнары өчен горурлану тойгысы кичерәбез. Үлгәннәр хәтере исәннәрдә яши.

                                                            Әфганстан, исемең шигъри синең,

                                                                                                   Җирең сихри, кыя, ташларың!

                                                                                                   Изге дуслык бурычын үтәр өчен

                                                                                                   Сиңа китте бик күп якташларым...

Балаларны сәламәтләндерү, спорт, актив тормыш рәвешен пропагандалау, гомумән күңелле ял итү  максатыннан бүген 8-11 нче сыйныф укучылары арасында “Күңелле старт” ярышлары үтте. Алар ике командага бүленеп төрле төр уенда үзләренең көчләрен сынадылар.Укучылар бик актив булдылар.Молодцы!

Парламент дәресләре атнасы кысаларында укучылар үзләре әзерләгән презентацияләр ярдәмендә "Кеше хокуклары һәм бурычлары" турында сөйләделәр.

Физкультура һәм спорт айлыгы кысаларында төрле чаралар, спорт ярышлары үткәрү дәвам итә. Бүген 7-11 нче сыйныф егетләре арасында өстәл  теннисы буенча ярыш үткәрелде. 

Укучыларда парламент төзелеше турындагы белемнәрне гомумиләштерү,конституцияләр тарихы турындагы мәгълүматны искә төшерү, дәүләт хакимияте органнары системасы турында белемнәрне киңәйтү максатыннан чыгып мәктәптә Парламент дәресләре үтә.