Гимназиядә ата-аналар җыелышы.

12-нче ноябрьдә гимназиянең актлар залында коррекция сыйныфында укучы балаларның ата-аналарының киңәйтелгән җыелышы булып узды.Гимназия директоры Зиннатуллин Л.Б. җыелышта катнашучыларны коррекция сыйныфларында  укыту-тәрбия эшчәнлегенең торышы белән таныштырды, ә директорның тәрбия буенча урынбасары Корбанова Г.М. алар белән алып барылган  тәрбия һәм дәрестән соң эшчәнлеккә анализ ясады. Ата-аналар җыелышында катнашкан Буа Башкарма коитеты җитәкчесе урынбасары-Буа мәгариф идарәсе рәисе Ханбиков И.Ф. районыбызда сәламәтлекләре чикләнгән балалар белән эшнең торышы белән таныштырганнан соң ата-аналарның күп сорауларына җавап бирде.Буа ветеринария техикумы директорының укыту эшләре буенча урынбасары Әюпов А.Р. 9-нчы сыйныфны тәмамлаганнан соң техникумда һөнәри белем алу мөмкинлеге турында мәгьлүмат бирде. Районыбызның психология үзәге  вәкиле Лошманова М.Г. ата-аналарны үзләренең хезмәте белән таныштырып  киң хезмәттәшлеккә чакырды.Ата-аналар җыелышында шулай ук гимназиянең ата-аналар комитетына яңа кешеләр сайланды, сәламәтлекләре чикләнгән балалар белән эшләүдә  тагын яхшырак шартлар тудыру өчен тәкьдимнәр кабул ителде.