15 февраль - Муса Җәлилнең туган көне. Герой-шагыйрь Муса Җәлил − татар шигъриятендә якты янган йолдызларның иң зурысы. Аның иҗат җимешләре һәм андагы рухи яктылык − безнең горурлыгыбыз. Аның исеме мәдәниятебез тарихының үткәне, бүгенгесе һәм киләчәге белән мәңгегә бәйләнгән.
Лицей-интернатта герой-шагыйрь Муса Җәлилнең туган көненә багышланган әдәби чаралар үткәрелде. Укучылар Муса Җәлилнең “Кызыл ромашка” әсәренә иллюстрация, “Куян” шигыренә аппликация ясадылар. Һәр сыйныфта шагыйрьнең тормыш юлы һәм иҗаты турында балалар белән әңгәмәләр алып барылды. Коридорда оештырылган мәгълумати стенд-күргәзмә янында, алып баручылар герой- шагыйрь, аның батырлыгы турында укучыларга киңкырлы мәгълүмат җиткерделәр. Мондый чара бик эчтәлекле һәм матур узды.
Укучылар Муса Җәлилнең “Кызыл ромашка”, “Ишек төбендә”, “Әтәч”, “Карак песи”, “Куян”, “Маэмай”, “Күке”, “Сәгать”шигырьләрен яттан сөйләделәр.