19 март көнне Лениногорск шәһәренең 5 нче мәктәбендә" Шигырь язам хис йомгагын сүтеп.." исеме астында җирле төбәк язучысы шагыйрә Рәмзия Габделхакованың иҗатын укыту- тәрбия процессында куллануга багышланган зонакүләм семинары узды.                                                                                                                                                       Әлеге чарада Бәркәтә урта мәктәбеннән өч укытучы катнашты: башлангыч сыйныф укытучылары Миргалимова Флера, Гыйләҗева Әлфирә һәм татар теле укытучысы Бикбова Венера Минсалих кызы.                                                                                                                                                                                                                                                  Якташыбыз шагыйрә Рәмзия Гайсә кызы Габделхаковага 55 яшь тулу уңаеннан үткәрелгән әлеге чарада Лениногорск, Бөгелмә, Әлмәт һәм Чирмешән районы укытучылары катнашты.                                                                                                                                                                                                                                                                                        Семинар ике өлештә үткәрелде. Беренче өлештә Сингапур элементлары кулланып үткәрелгән татар теле дәресе һәм шагыйрә белән очрашу кичәсе үткәрелде. Икенче өлешендә семинарда катнашучылар чыгышлары тыңланылды. Монда сыйныфтан тыш чараларда төбәк язучылары иҗаты белән танышу эшчәнлеге, укыту- тәрбия процессында мәгълумәти, коммуникатив  белем чыганакларына таянып, Рәмзия Габделхакованың иҗатын файдалану дигән темалар ачылды. Безнең мәктәп укытучысы Венера Минсалиховна "Рәмзия Габделхакова әсәрләрендә рухи байлылык" темасын ачты.