Туган тел Һәркем өчен газиз сүз бу, тарихның хәзинәсе, рухы, җаны ул. Шул хәзинәне түкми – чәчми яшь буынга тапшыру безнең бурыч. Бу максатны күздә тотып  14 нче марттан 18 нче мартка кадәр “Әкият” балалар бакчасында “Туган тел” атналыгы үтәчәк.

Атналыкның беренче  көне “Әбиемнең серле сандыгы”дип аталды. Күңел җәүһәрләре белән икенче кечкенәләр, уртанчылар һәм зурлар төркеме балалары танышты. “Халкыбызның күңел бизәкләре” альбомында татарларның бөтен милли киеме урын алган. Альбом карау балаларга бик ошады, татар киеменә киендерелгән малай һәм кыз курчаклар белән  уйнау мавыктырды.  Борынгы татар халкының яшәешен балалар слайдлар аша күрә алдылар. Татар халкын чигүле түбәтәй, калфак,сөлге – тастымаллардан башка күз алдына да китереп булмый. Бу әйберләрне дә балалар кызыксынып карадылар,чигү үрнәкләре белән таныштылар һәм үзләре дә пайеткалар ярдәмендә бизәк төшерделәр.