“Туган телләр һәм халыклар бердәмлеге елы” кысалары нигезендә 15 февраль көнне “Әкият” балалар бакчасында татар халкының бөек шагыйре Муса Җәлилнең тууына 115 ел тулу уңаеннан – “Без – Җәлил оныклары” дип аталган тематик чара үткәрелде. Татар теле тәрбиячесе Сөләйманова Алсу Рауфан кызы, презентация ярдәмендә балаларны Муса Җәлилнең тормыш юлы, иҗаты белән таныштырды, шигырьләрен укыды, әңгәмә үткәрде. Төркемнәрдә, милли тәрбия почмакларында Муса Җәлилнең тормыш юлы һәм иҗаты турында күчмә папкалар, тематик рәсемнәр, китаплар ярдәмендә күргәзмә оештырды. Мәктәпкә әзерлек төркеме балалары Муса Җәлилнең “Кызыл ромашка” шигыренә кул эшләнмәләре – кызыл һәм ак ромашкалар ясап, яшел аланлыкны бизәделәр. Чараны йомгаклап, балалар белән бөек шагыйребез Муса Җәлилнең батырлыклары турында әңгәмә үткәрелде.