Юллар, урманнар буйлап көндез дә, кичен дә бик күп төрле транспорт чаралары эзлексез хәрәкәт итә. Алар елдан-ел арта бара. Юлларда бәла-казалар килеп чыкмасын өчен, юл йөрү кагыйдәләрен машина йөртүчеләр дә , җәяүләр дә, төгәл үтәргә тиеш.Кагыйдәләрне төгәл үтәү, юл хәрәкәте куркынычсызлыгының иң төп шартларының берсе. Районда  20 сентябергә кәдәр  "Сак булыгыз - юлда балалар!"  айлыгы бара. Балалар юл йөрү кагыйдәләре буенча белемнәрен ныгыттылар, юлны аркылы чыгу кагыйдәләрен искә төшерделәр. Юлда һәлакәтләр килеп чыкмасын, игътибарсызлык аркасында гомерләр өзелмәсен дигән максаттан оештырылучы акция кысаларында район ЮХИДИ инспекторлары безнең бакчада, "Юлларда йөри беләсезме?" дигән темага үтемле чара уздырды.