Елның сихри фасылында- көз аенда татар халкы “ Сөмбелә” бәйрәмен уздырган. Ул көзге бәйрәм, уңыш бәйрәме. Башлангыч сыйныф укучылары бу бәйрәмгә бик тырышып әзерләнделәр.

 "Укытучыңны котла!" республика акциясенә кушылып, без ветеран укытучыларыбызны бәйрәм белән котларга бардык. Хөрмәтле укытучыларыбызга ныклы сәламәтлек, озын гомер, тыныч картлык теләдек.

5 сыйныф укучылары математикадан диагностик эшләр эшләделәр. 

Халыкара тынычлык көне уңаеннан Кармыш төп гомуми белем бирү мәктәбендә «Тынычлык күгәрчене» акциясе үтте. Мәктәп укучылары тарафыннан  тематик шигырьләр, җырлар белән үрелеп барган искә алу чарасы  оештырылды. Соңыннан укучылар төрле төстәге шарларга беркетелгән кәгазь ак күгәрченнәрне күккә очырды. Бу күгәрченнәргә Бөек Ватан сугышында һаләк булган һәм тылда тир түккән батырларның исемнәре язылган иде. «Тынычлык күгәрчене» акциясе чараларының максаты — җир шарындагы барлык балаларның, ата-аналарның йөзләреннән бәхетле елмаю китмәсен өчен кешеләрне тынычлыкка, югалтуларсыз, кайгы-хәсрәтсез, имин тормышка өндәү. 

Моннан өч ел элек мәктәпләрдә башлангыч сыйныф укучылары өчен “Укучының мәдәни көндәлеге“ дип аталган яңа проект старт алган иде. Әлеге проектның аудиториясе елдан-ел киңәя бара. Көндәлек укучыларга республикабызның тарихи-истәлекле урыннары, музей-күргәзмәләре белән якынрак танышырга ярдәм итә. Алар сыйныфташлары, әти-әниләре, әби-бабайлары белән музей, театр, китапханә, концерт залларына йөриләр, тарихи урыннарга сәяхәт итәләр.

Яшьләр эше һәм спорт бүлеге сәламәт яшәү рәвешен пропагандалау, район халкын күмәк рәвештә спорт һәм физкультурага тарту, район җирлегендә спортны популярлаштыру максатыннан чыгып,  17 сентябрь көнне “Татарстан Кроссы-2017” күмәк ярышларын үткәрде. 5 сыйныф укучысы Шамгунова Ләйләне 1000м лы дистанциядә 3нче урынны алуы белән котлыйбыз. 

Грипп сезонында вируслы авыруларны кисәтү максатыннан мәктәп укучылары арасында вакцинация үткәрелде. ФАП хезмәткәре укучыларга грипп вирусын кисәтү өчен киңәшләр бирде.