Сабантуе  — татар халкының  яратып үткәрелә торган күңелле бәйрәме. «Кояшкай» ял лагеренда без дә сабантуй үткәрдек. Монда милли уеннар уйнап, көлеп-биеп, җырлап күңел ачтык. Күңелле генә ярышларда катнаштык: чүлмәк  вату, капчыкта сикерү, аркан тартышу, кашык белән күкәй тотып йөгерү уеннары  дисеңме…. Барысы да бездә зур кызыксыну уятты. Шул арада Хайрисламов Русланны туган көне белән котлап, җырлап,  биеп тә алдык. Монда нәкъ чып-чын Сабантуй гөрләде. Бәйгеләрдә катнашучыларга, җиңүчеләргә истәлекле бүләкләр дә тапшырылды. Милли көрәштә Мубирдин Илмир беренче булды, аркан тартышуда “Ялкын” командасы җиңде. Капчык сугышында Хайрисламов Русланга тиңнәр булмады.