Бүген лицейда, татар халкының күренекле классик шагыйре Һади Такташның тууына 120 ел тулуга (1901-1931) багышлап, “Татарның бөек улы” дип исемләнгән әдәби кичә булып узды. Кичәне 10 нчы б сыйныфы укучылары әзерләде. 9 нчы сыйныф укучылары кунак булып килде.

Кичәдә шагыйрьнең тормыш юлы, иҗаты турында сөйләделәр, шигырьләрен укыдылар, бай мәгълүматлы презентация күрсәттеләр, китаплары белән таныштырдылар. Татар теле һәм әдәбияты укытучылары Галләмова Г.Б. , Нуртдинова Г.Г. шагыйрьнең биографиясенә кагылышлы кызыклы вакыйгалар сөйләделәр, кайбер шигырьләренең язылу тарихына тукталдылар, укучыларның сорауларына җавап бирделәр.

Трибун, бунтарь, гыйсьянчы шагыйрь, мәхәббәт җырчысы, табигать һәм бизәкләр шагыйре, балалар сөеп укырлык әсәрләр иҗат иткән әдип, драматург. Элеге сүзләр мәшһүр Такташны сурәтли. “Нәни разбойник”, “Мокамай”, тирән хисләр, уй-кичерешләр белән тулган «Алсу», «Мәхәббәт тәүбәсе» лирик шигырьләре, “Караборынның дусты” повесте, "Җир уллары" трагедиясе, “Урман кызы” җыры һәм башка – төрле жанрларда язган әсәрләре буыннан-буынга яратып кабул ителә.