2 нче март көнне Чирмешән лицееның 5 нче а сыйныфы укучылары үзәк китапханәдә “Халкым мирасы” дип исемләнгән очрашу-әңгәмәдә булдылар. Бу чараны бик кызыклы, мавыктыргыч итеп китапханә хезмәткәрләре Әшрәпова Г. Ф. һәм Юрина М.В. әзерләгән. Әңгәмә барышында укучылар татар халкының милли бәйрәмнәре, йолалары, аларның барлыкка килү тарихы белән таныштылар. “Нәүрүз”, “Нардуган”, “Сөмбелә”, “Сабан туе”, “Бәби туе”, “Карга боткасы”, “Аулак өй”, “Җыен”, “Каз өмәсе” кебек чараларның кайчан һәм нинди уңайдан уздырылулары турында белемнәрен барладылар, үзләре өчен кызыклы яңалыклар да ачтылар. Кич утырулар вакытында уйнала торган “Түбәтәй” һәм “Төенчек” уеннарын бергәләшеп уйнап та карадылар. Әлеге очрашу укучыларга бик ошады.

Сегодня ученики 5 а класса МБОУ “Черемшанский лицей” посетили центральную районную библиотеку. Там для них подготовили беседу на тему “Наследие народа” (Ашрапова Г.Ф, Юрина М.В). Во время беседы ученики обновили свои знания в области национальных праздников и обычаев татарского народа. (Кл.рук. Котбиева М.В.)