12 нче февральдә   Казанның  110 нчы лицеенда   Фатих  Кәримнең  тууына 110 ел тулуга багышланган  укучыларның  фәнни-гамәли конференциясе   узды.  Конференциягә барлыгы 397 эш җибәрелгән иде.  Шул   эшләрнең  65 се   II  турга сайлап алынды.    “Чирмешән  лицее” ның  10 нчы а сыйныф  укучысы   Ашрапова  Инзиля  II  турга   үтеп,  җиңүче булды.  Ул   Татарстан Республикасы  Мәгариф һәм фән министрлыгының  дипломы,  истәлекле  бүләкләре белән  бүләкләнде.  Конференциядә  эш   3 секциядә  алып барылды. Укучылар мәртәбәле  жюри –татар әдәбият тәнкыйтьчесе, әдәбият галиме, Татарстан Республикасы Фәннәр  академиясе  әгъзасы   Тәлгать  Галиуллин, Татарстан Республикасының халык шагыйре, публицист, җәмәгать һәм мәдәният эшлеклесе  Ренат Харис, Татарстан Республикасының халык шагыйре, күренекле җәмәгать һәм дәүләт эшлеклесе Роберт  Миңнуллин, язучылар  Советы рәисе,  шагыйрь  Рәфис Корбан  алдында имтихан  тоттылар. Бер күрешү- бер гомер, диләр.  Конференциягә    Фатих  Кәримнең  кызы- Ләйлә Кәримова  чакырылган иде.  Ләйлә  Кәримованың  әле генә  “табадан төшкән” “Соңгы дәфтәр” (“Әтиемнең соңгы дәфтәре”) дип исемләнгән китабына презентация  булды.  Бу китап  конференциядә  җиңү  яулаган  укучыларга  да бүләк ителде.