Лашман гомум белем бирү мәктәбендә эшләп килүче Чирмешән сәнгать мәктәбенең декоратив-гамәли бүлеге һәм хореография бүлеге укучылары авылыбыз Лашман авылы "Ләйсән" балалар бакчасында бик матур итеп әзерләнгән концерт күрсәттеләр. Галия Динмөхәммәтова җитәкчелегендәге "Ләззәт" һәм "Шатлык нуры" төркеме кызлары моңлы тавышлы җырлары белән , Гүзәл Шакирова җитәкчелегендәге "Энҗе бөртекләре" һәм "Дуслык" хореография төркеме укучыларының дәртле биюләре, декоратив - гамәли бүлектә шөгыльләнүче укучыларның иҗат җимешләреннән оештырылган күргәзмә нәни балаларның һәм аларның тәрбиячеләренең күңелләренә хуш килде. Концерт ахырында нәни дуслар укучыларга кушылып бии дә башладылар.