Бүген, 2013 елның 24 апрелендә "1нче Чирмешән урта гомумбелем мәктәбе" базасында "Поиэтник тирәлек шартларында аралашу осталыгын формалаштыру юлы белән уңышлы шәхес тәрбияләү" ("Воспитание успешной личности путем формирования коммуникативных умений в полиэтнической среде") темасы буенча район татар теле һәм әдәбияты укытучыларының семинары үтте. Семинарда рус төркемнәрендә эшләүче татар теле укытучылары катнашты. "1нче Чирмешән урта  гомумбелем мәктәбе"нең татар теле һәм әдәбияты укытучылары үзләренең тәҗрибәләре белән уртаклаштылар: Сөләйманова Ә.В. 3 сыйныфның рус төркемендә "Безнең авыл" тексты буенча әңгәмә-дәрес фрагменты, Могыйзова Р.С. 3 сыйныфның татар төркемендә "Татар халык авыз иҗаты" буенча дәрес фрагменты күрсәттеләр, Сөнгатуллина Г.Г. "Сәләтле балалар белән эшләүдэ нәтиҗәлелеккә ирешү юллары" темасы буенча чыгыш ясады. Мәктәпнең рус төркеме укучылары тарафыннан "Тукай иҗатында экология темасы" буенча ачык чара (җаваплылар: Шәрифуллина Э.А., Исмәгыйлева Н.Ә., Сәхәбиева Г.И.) күрсәтелде. Ахырда фикер алышынды. Укытучылар бик канәгать калдылар. Семинар бик нәтиҗәле үтте. Семинарны оештыручылар һәм катнашучыларга зур рәхмәтебезне белдерәбез!