Мәктәбебезнең җиләк- җимеш участогында карлыган мул булды. Шул көннәрдә куаклардан соңгы җимешләрне җыеп алдык һәм кышкылыкка суыткычка урнаштырдык.

Явымлы җәйдә үләннәр тиз үсә, чөнки  яшеллек дымга туена. Мәктәп территориясендә инде ничәнче тапкыр печән чабу эше  башкарылды. 

Җәй уртасы җитеп бара. Балаларыбыз каникул чоры булуына карамастан мәктәп белән араны өзмиләр, актив булып калалар. Хәзергесе вакытты алар июль аенда җыела торган дару үләннәрен  әзерләү эше белән мәшгульләр. 

Июнь – дару үләннәре җыю ае. Без, 1 нче класс укучылары, җиләк яфраклары җыйдык. 

26 июнь көнне мәктәбебездә зур бәйрәм булды: 9 нчы сыйныфны тәмамлаучы 6 укучыбызга аттестат тапшырдык. Бик куанычлы бәйрәм бу безнең өчен: егет - кызларыбызның барысы да имтиханнарын әйбәт кенә тапшырдылар.

Бүген Туймәт мәктәбенең укыту эшләре буенча директор урынбасары, хезмәттәшебез Гыйниятуллина Роза Рәшит кызы олы юбилеен билгеләп үтә.

Дару үләннәренең файдалы үзлекләре ел буена саклансын өчен, аларның күбесен май уртасы — июнь башында җыярга кирәк. Шуларның берсе – карлыган яфрагы. Бу вакытта әлеге яфраклар микроэлементлар һәм кояш нурлары белән баетылган була. 

"Чиста авыл синнән башлана!" акциясе үз эшен дәвам итә. Мәктәбебез укучылары тарафыннан май ае барышында 629,65 кг макулатура һәм 93,25 кг пластик тупланган. 

2018 – 2019  нчы уку елын йомгакладык. Укучы балаларны җәйге каникулга озаттык, әти-әниләр кулына тапшырдык. Уку елын 37  бала белән башладык, барысы да исән – сау елны тәмамлады.