Хөрмәтле ветераннар! Туймәт төп белем мәктәбе коллективы сезне Бөек Җиңүнең 73 еллыгы белән чын күңелдән котлый. 

8 май көнне Туймәт авыл халкы, авыл җирлегендәге оешма вәкилләре, Туймәт төп белем мәктәбе  коллективы һәм укучылары,  кайткан кунаклар авыл уртасында урнашкан Билгесез солдат һәйкәле янына җыелдылар.  Анда Бөек Җиңүнең 73 еллыгы уңаеннан  митинг оештырылды. 

Бүген Бөек Җиңү көнендә илебезнең барлык почмакларында "Үлемсез полк" акциясе үтте.  Туймәт авылында да сугыш кырында ятып калган, шушы авыр елларның барлык ачысын татыган тыл ветераннарының, илгә Җиңү алып кайту бәхете насыйп булган сугыш ветераннарының сүрәтләрен тотып яшь буын вәкилләре урамнардан атлады. 

Туймәт төп белем мәктәбе укучылары икенчел чимал җыю эшен актив рәвештә алып баралар. 

Без - варислар, эзтабарлар белән берлектә ярдәмчесез калган картларның, ялгызларның, тыл, хезмәт ветераннарының өйләренә барабыз, аларның хәлләрен белеп, ярдәм кулыбызны сузабыз.

Туймәт төп белем мәктәбендә Бөек Җиңүнең 73 еллыгын каршы алу планы кысаларында соңгы еллардагы традиция буенча  укучылар эзләнү эшләрен дәвам иттеләр. "Үлемсез полк" стендын тулыландыру максатыннан балалар җиңүне якынайтуга өлеш керткән тагын 4  авылдашларының фотосурәтләрен эзләп таптылар. 

Бөек Ватан сугышы елдан-ел артта кала бара. Канлы-фаҗигале, зур югалтулар белән үткән дәһшәтле елларны күбрәк язма истәлекләрдән генә укый, видеоязмалардан гына карый алабыз, чөнки ни кызганыч, сугышның тере шаһитлары араларыбыздан китеп торалар.

Бүген Туймәт төп белем мәктәбендә зур күләмле өмә үтте. Коллектив, техник хезмәткәрләр, барлык укучылар мәктәп яны территориясен чүп-чардан арындырдылар, коры үләнне тырмаладылар, көздән коелган яфракларны капчыкларга төяделәр. 

Туймәт төп белем мәктәбе территориясендә язгы эшләр дәвам итә. 

Якынлашып килүче Бөек Җиңү бәйрәмен каршы алу уңаеннан Туймәт төп белем мәктәбендә зур әзерлек бара.