Лагерьның 15 нче көне дуслыкка багышланып, "Беребез барсы өчен, барыбыз берсе өчен" девизы астында үтте. "Дуслыкта көч" дигән уен программасы үткәрелде, "МИнем чын дустым" дигән хикәяләр, рәсемнәр конкурсы булды.

Бүген безнең лагерьда балыкчы көне булды. Кармаклар алып су буена балыкка бардык. Малайлар балык тотты, кызлар су буеннан дару үләннәре - үги  ана яфрагы, ромашка, көтүче сумкасы җыйдылар. Арысалар да, балалар сәяхәттән бик канәгать калдылар.

Бүген лагерьның 11 нче көне. Укучылар белән стадионда асфальтта рәсем ясау конкурсы оештырдык. Балалар ярышта актив катнаштылар, һәрберсе призлар алдылар.

Бүген бездә сәяхәтче көне. Ял итүче балалар белән Чирмешәнгә бассейнга бардык.  Җәйге  эссе көндә суда йөзү бигрәк рәхәт!. Балалар бик канәгать калдылар, тагын килергә теләкләрен белдерделәр.

Лагерьда ял итүче балалар мәктәпнең бизнес-планын үтәүдә актив катнашалар. Көн саен хезмәт десанты оештырып, алар яшелчәләргә су сибәләр, түтәлләрдәге чүп үләннәрен утыйлар.

12 июнь - Россия көне .Бу бәйрәм уңаеннан укучылар белән  дәүләт символикасы турында әңгәиә оештырылды, рәсемнәр. җырлар, шигырьләр конкурсы үткәрелде Укучылар татлы призлар белән бүләкләнделәр.

Лагерьда укучыларның сәламәтлегенә зур игътибар бирелә. Көн  зарядкадан башлана, төрле ярышлар,  спорт уеннары үткәрелә. Катнашучылар призлар белән бүләкләнәләр.

Мәктәбебездә "Бәхетле балачак" лагерь сменасы башланды. Лагерьга  1-7 сыйныфлардан 20 бала йөри.