Мәктәптә 23 нче апрельдән  Татар теле һәм әдәбияты  атналыгы  башланып китте. Методик берләшмә утырышында  расланган план нигезендә күптөрле чаралар оештыру каралган иде.  Атнаның беренче көне  “Бөтендөнья китаплар һәм  аларны саклау  көне”нә багышланган иде. Китапханәче Вилданова Дилүзә китаплар, аларның сакланышы һәм яңа кайтканнары белән таныштырды. Кызыклы мәглүматьлар бирде.
“Тукай – моңнар дәрьясы”  дип исемләнгән әдәби – музыкаль монтаж  белән бөек шагыйребезнең тормыш юлы, иҗаты аркылы аның бөтен тойгы- кичерешләре укучыларга ирештерелде. 5нче сыйныф  укучыларының  чыгышы беркемне дә битараф калдырмады.Сыйныф җитәкчесенә (Ахметзянова Г.Б.) рәхмәтебезне җиткерәбез.
“Шигъри тәләшләр” исемендәге яшь иҗатчыларның яңа гына табадан төшкән  шигырьләре һәр көнне тәнәфесләрдә яңгырап тора.
Бүген бездә Шигырь бәйрәме. 1-11нче сыйныф укучылары Г.Тукай  шигырьләрен   татар, рус, инглиз телләрендә укыдылар. Инглиз теле укытучысы  Шумилов И.В. шагыйребезнең  “Туган тел”ен  сәнгатьле итеп сөйләп барыбызны да сөендерде. 6нчы сыйныф укучыларының  “Таз”  шигыренә инсценировкалары бик уңышлы чыкты.