Кешелекнең иң явыз дошманы – фашизмны Җиңүнең 67 еллыгын быел да зурлап бәйрәм иттек.Кызганыч, сугыш һәм тыл ветераннарының сафы елдан ел сирәгәя бара.Ләкин яшь буынның бәйрәмгә карата мөнәсәбәте уңай якка үзгәрүен күреп, күңелләр сөенә, аның кыйммәте артуына ышаныч туа.
Шәһәрләрдә яшәүче авылдашларыбыз Җиңү бәйрәмен аеруча үз итеп кайтырга, тантанада катнашырга тырышалар. Быел да 40 елдан артык авылдан күченеп киткәннәрнең уллары кайтып тантанада катнаштылар.Үзләренең изге теләкләрен җиткерделәр.Соңыннан мәчеткә кереп сугышта һәлак булганнарның рухына дога кылдылар.
Авылыбызның горурлыгы Зариф Закир улы Алимовның бюстына чәчәкләр куйганда,барыбыз да эчтән бер генә теләк теләгән теләгәндер:”Кабат беркайчан да сугышлар булмасын иде!”