Батырларны данлау дәвам итә .Бүген  мәктәптә ачык  чарада   Абдулхаков Мөхәрәм Камалдин улына 85 яшь тулу уңаеннан аның хезмәт биографиясе белән таныштык. Аның эш –гамәлләрен үрнәк итеп күрсәтергә тырыштык.Чөнки  укучыларга батырлык төшенчәсен алар үрнәгендә  аңлату уңышлы.13 нче октябрьдә Түбән Чәке авылында туып үскән 3 һәм 2 нче дәрәҗә Хезмәт Даны Ордены белән бүләкләнгән Абдулхаков Мөхәрәм Камалдин улына 85 яшь тула.Ул үзенең хезмәт юлын 1948 нче елда Куйбышев өлкәсендә (Самара) тәзелештә монтажчы булып башлап җибәрә. Үз эшен яратып намус белән башкара. 1968 нче елда ул Ульяновск шәһәренә күчеп килә. Монда да Мөхәрәм Камалдин улы үзенең эшен дәвам итеп монтажниклар бригадиры булып урнаша. Аның бригадасы 1970 нче елларда елына 1500 квартира төзеп тапшырып килә.35 ел дәвамында шул хезмәтне башкарып лаеклы ялга да шуннан китә.Абдулхаков Мөхәрәм Камалдин улының хезмәте югары бәяләнә.  Ул 1975  һәм 1977 нче елларда  зур дәүләт бүләкләре  3 һәм 2 нче дәрәҗәге  Хезмәт Даны Орденнары белән бүләкләнә. Мәктәптә аңа багышланган“Үз хезмәтем белән горурланам” дигән исем астында  сыйныф сәгате булып үтте. Укучыларны кызыксындырган сорауларына җаваплар бирелде.Сыйныф сәгатеннән соң  “Минем яраткан профессиям”  дигән темага  фикер алышулар булды. Киләчәктә дә батырларыбызны онытмабыз, аларга лаеклы алмаш үстерербез дип әйтәсе килә.