Бүген мәктәптә Гаилә көне уңаеннан ата-аналар белән балаларның берләштерелгән җыелышы булып үтте.Бүгенге яшьләргә дөрес кыйбла сайларга ярдәм итү, яшь әти-әниләргә бала тәрбияләүдә ялгышлыклар җибәрмәү өчен нәрсәләр эшләргә кирәклекне аңлату максатыннан оештырылган чарада барлык ата-аналар да катнашты. Җыелышны мәктәп директоры ачып җибәрде, ул көн тәртибе белән таныштырып, алга куелган мәсьәләләрне җиткерде. Җыелышта 8 нче сыйныф җитәкчесе “Алтыда кермәгән-алтмышта кермәс...” исемле чыгыш ясап, гаилә тәрбиясе турында танылган шәхесләрнең фикер-тәгъдимнәре белән таныштырды. Җыелыш барышында бала тәрбияләүне эченә алган сәхнәләштерелгән күренешләрне барысы да бик кызыксынып карадылар. Соңыннан әти-әниләр үзләрен борчыган сорауларын бирделәр. Җыелыш бик кызыклы һәм эчтәлекле үтте.