Шаулап-гөрләп Чыршы  бәйрәмнәре үтә. Балаларның  гына  түгел,олыларның да  сагынып  көткән  бу  бәйрәме  безнең  мәктәптә   дә  бик  әзерлек  белән  үткәреп  җибәрелде. Балаларның  чыгышлары, костюмнарының  төрлелеге  буенча  башлангыч  сыйныфлар  арасында  2 нче һәм 4 нче (сыйныф  җитәкчеләре  Замалтдинова Л.Н.), ә урта  звено  буенча  6 нчы һәм 8 нче   сыйныфларның (сыйныф җитәкчеләре  Г.Б. Ахметзянова  һәм  М.Ф.Айнуллина)  чыгышлары  барлык  тамашачыларны  да  таң   калдырды. Халыклар  дуслыгы  бәйрәме  диярсең, балалар  нинди  генә  милләт  биюләрен  башкармадылар. Татар, башкорт,чегән, латыш, һинд  һәм башка  биюләрне  карагач, халык  шау  килеп  кул  чабып, үзләре  дә биергә  ашыктылар.

Иң  шатландырганы – бәйрәм,  матур  тыныч  үтте.