Без сәламәт яшәү рәвешен сайлыйбыз!

Быелгы кышның матурлыгы беркемне дә битараф калдырмагандыр. Бөтен тирә – якны ап –ак карга төреп, күңелләребезне аклады, елмаерга, шатланырга мөмкинлек тудырды дисәм дә ялгышмамын. Шушы матурлыкка хозурланып, без күбрәк урамда, саф һавада булырга тырышабыз. Мәктәбебезнең ир –ат укытучылары, өлкән сыйныф укучылары һәм, әлбәттә, директорыбызның зур тырышлыгы белән, мәктәп каршында “Алтын капка” дип аталган шугалак булдырылды. Монда һәр көнне берничә дистә бала рәхәтләнеп хоккей уйный. Шугалагыбыз тагын да матуррак булсын өчен,  2-8 нче сыйныфлар арасында кар сыннарына конкурс –ярыш оештырылды. Барлык укучылар да бик актив катнаштылар.Ә бәяне укучылар үзләре билгеләде.Сезне дә шугалагыбызга чакырабыз. Рәхим итегез! (Медиаткега кереп шугалагыбызны күрә аласыз).