Мәктәптә “ Ватанны саклаучылар” айлыгы  кысаларында төрле чаралар үткәрелеп тора. Бүген исә шундый чараларның берсе  - “Сталинград   сугышы – батырлыкның югары ноктасы “ дип исемләнгән ачык сыйныф  сәгате үтте. Аны 9 нчы сыйныфлар белән берлектә Гөлинә Фатых кызы үткәрде.Сыйныф сәгатендә барлык сыйныф укучылары, аларның җитәкчеләре катнашты. Насибуллин Зөлфәт әзерләгән “Сталинград  сугышы”   презентациясен һәм шушы героик сугышка багышланган документаль фильмны карагач, барлык укучыларның йөзләре җитдиләнеп киткәндәй булды. Алар ишеткәннәре, күргәннәре  турында тәнәфестә  дә фикер алыштылар .  “Сталинград сугышында безнең якташлар” дигән темага иншаны барлык укучылар да язарлар дигән фикердә калабыз.